თბილისი (GBC) - შარშანდელთან შედარებით ქართულმა პორტებმა 1,1 მლნ ტონა ტვირთი დაკარგეს.  

მიმდინარე წლის 9 თვის მონაცემებით, საქართველოს საზღვაო ნავსადგურები და საზღვაო ტერმინალები  14,6 მლნ ტონა ტვირთს მოემსახურა. მხოლოდ სექტემბერში 1,5 ტონას. შარშან 9თვეში ტვირთბრუნვა 15,7 მილიონი იყო.

ტვირთბრუნვის შემცირების ტრენდი რჩება ფოთის საზღვაო ნავსადგურში, სადაც 5,2 მლნ ტონა ტვირთი გადამუშავდა, 1,2 მილიონით ნაკლებს, ვიდრე შარშან.

ბათუმის საზღვაო ნავსადგურმა 4,3 მლნ ტონა ტვირთი გადაამუშავა, 0,3  მილიონით ნაკლები შარშანდელ მაჩვენებელზე.

რაც შეეხება გადამუშავებული კონტეინერების რაოდენობას, აქაც წლიური კლება ფიქსირდება. სულ 290 822 TEU/ერთეული კონტეინერი გადამუშავდა.

საზღვაო ტერმინალებში ტვირთების გადამუშავების დადებითი ტენდენცია ნარჩუნდება. ყულევის ტერმინალში 9 თვეში, 1,9 მლნ ტონა ტვირთი გადამუშავდა, ზრდა წინა წელთან შედარებით 0,4 მილიონია.

სუფსის ტერმინალში ტვირთების მოცულობა 3,2 მლნ ტონის ნიშნულზე შენარჩუნდა.