თბილისი (GBC) -  „ვისოლ ჯგუფი“ გლდანში მსხვილი ფორმატის სავაჭრო კომპლექსს ხსნის. 

კომპანიის ცნობით, კომპლექსში  ერთ სივრცეშია განთავსებული სუპერმარკეტი „სმარტი“, „ვენდისა“ და „დანკინ დონატსის“ ამერიკული რესტორნები, ასევე „ვისოლის“ ბენზინისა და გაზის გასამართი სადგური. 

სავაჭრო გალერეაში ასევე იხსნება სხვადასხვა ბრენდების სერვის ცენტრები და მაღაზიები.

„ვისოლ ჯგუფის“ ახალი სავაჭრო კომპლექსის საზეიმო გახსნის ცერემონია 26 დეკემბერს, 12 საათზე გაიმართება. მას საქართველოს ეკონომიკისა და მდგრადი განვითარების მინისტრის მოვალეობის შემსრულებელი დიმიტრი ქუმსიაშვილი, თბილისის მერის მოადგილე ირაკლი ლექვინაძე და “ვისოლ ჯგუფის” ამერიკელი პარტნიორები დაესწრებიან.