თბილისი (GBC) - ფრანგულ-ქართული საკონსულტაციო კომპანიამ Experto Consulting-მა  Desjoyaux Pools-ისთვის საქართველოს ბაზარზე ექსკლუზიური პარტნიორის შერჩევის მანდატის მოპოვებაზე განაცხადა.

Desjoyaux Pools-ი მსოფლიო ლიდერია საცურაო აუზების წარმოებაში. კომპანიას აქვს 45 წლიანი გამოცდილება და წარმოდგენილია 80 ქვეყანაში.

„ჩვენი კლიენტის პრეფერენციებზე დაყრდნობითა და Experto Consulting-ის მიერ ჩატარებული ანალიზის საფუძველზე Desjoyaux Pools-ის წარმომადგენელთან შესახვედრად და საბოლოო მოლაპარაკების გამართვის მიზნით ვარჩევთ რამდენიმე პოტენციურ პარტნიორს“, - აცხადებს Experto Consulting-ი  .

შეგახსენებთ, რომ ფრანგულ-ქართული საკონსულტაციო კომპანია Experto Consulting-ი დაფუძნდა 2011 წლის აპრილში. კომპანია ბაზარზე შესვლის მომსახურებას საქართველოს და აზერბაიჯანის ბაზრებით დაინტერესებულ უცხოურ კომპანიებს თბილისიდან უწევს.

კომპანიის მომსახურება მოიცავს: დისტრიბუტორებისა და პარტნიორების შერჩევა, ადგილობრივი ბაზრის კვლევა, პროექტების მხარდაჭერა, თანამშრომლების შერჩევა, სატენდერო მხარდაჭერას და სხვა.

Experto ასევე სპეციალიზებულია საქართველოში არსებული საცალო მაღაზიების შემოწმებაში და პორტფელში გააჩნია რამდენიმე ძირითადი FMCG (სწრაფად მოძრავი სამომხმარებლო საქონელი) და საცალო მაღაზიების ქსელი.