თბილისი (GBC) – მამუკა ხაზარაძის განცხადებით,  ანაკლიის პორტის სრულყოფილი პროექტი, ყველა მახასიათებლით, მხოლოდ თიბისი ჯგუფს და მის პარტნიორებს აქვს წარდგენილი.

„დაველოდოთ  გამოცხადებას, მაგრამ ჩვენ გვაქვს ყველა პირობა, ფინანსურიდან ტექნიკურით დამთავრებული, რომ ანაკლიის პროექტი იყოს ყველაზე წარმატებული და  სტრატეგიული მნიშვნელობის,  აზიის და ევროპის დამაკავშირებელი კარიბჭის ფუნქციით“, - განაცხადა თიბისი ჯგუფის დამფუძნებელმა.

მთავრობა ბოლო რამდენიმე კვირაა ანაკლიის  მილიარდიანი პროექტის ინვესტორის რამდენიმე დღეში გამოცხადებას აანონსებს.

ტენდერი 2014 წლის აგვისტოდან მიმდინარეობს და არსებული გეგმით, პორტის მშენებლობა ამ წლის ივნისში უნდა დაიწყოს.

თიბისი ჯგუფი ANAKLIA DEVELOPMENT CONSORTIUM-ის (თიბისი ბანკი, კონტი ჯგუფი და მათი პარტნიორები) აპლიკაციის პასუხს ელოდება.