თბილისი (GBC) – “სოკარ ჯორჯია პეტროლეუმი”  მომხმარებლებს ევრო 2016-ზე დასწრების შანსს აძლევს.

კომპანიამ გათამაშება დაიწყო - მის ქსელში საწვავის შეძენით მომხმარებელს აქვს შანსი გაემგზავროს პარიზში და დაესწროს 2016 წლის ევროპის ჩემპიონატის გახსნით და ფინალურ მატჩებს.

„გახდით ენერჯი ქარდის მფლობელი, შეიძინეთ საწვავი სოკარის ნებისმიერ სადგურზე 10 მარტიდან - 15 ივნისამდე და ყოველ დახარჯულ 25 ლარზე მიიღეთ გათამაშების 1 ბილეთი. გახსნით მატჩზე, 10 ივნისი 'საფრანგეთ - რუმინეთი' დასასწრები 20 ბილეთი, ფინალზე დასასწრები კი, 30 ბილეთი გათამაშდება,  5, 12 და 19 ივნისს, რუსთავი2-ის თერში 12:15 სთ-ზე (კურიერის შემდეგ)“, - აცხადებს კომპანიის მენეჯმენტი.

აღსანიშნავია, რომ ამოქმედდა სოკარის ახალი ფეისბუქ გვერდი - SOCAR - EURO 2016, სადაც გაშუქდება “სოკარ ჯორჯია პეტროლეუმის” გათამაშების (EURO 2016-ის 50 საგზური) მიმდინარეობა, EURO 2016-ზე და წინა პერიოდში მიმდინარე მოვლენები.

წარმოდგენილი იქნება ევროპის ჩემპიონატების მნიშვნელოვანი და საინტერესო ფაქტები.