თბილისი (GBC) - კომპანია „სოკარ ჯორჯია გაზის" ცნობით,  გამანაწილებელი ქსელის ავარიულად დაზიანების გამო, მიმდინარე წლის 11 ივნისის დილის 11:00 საათიდან ქარელის მუნიციპალიტეტის შემდეგი სოფლების კეხიჯვრის, სანებელის, ვედრებას, ქობესაანთ უბნის, თათანაანთ უბნის, ახალსოფლისა და მოხისის მაცხოვრებლებს გაზმომარაგება შეუწყდათ.

ამ ეტაპზე საავარიო ჯგუფი ადგილზე მუშაობს შესაბამისად, აბონენტებს ბუნებრივი გაზის მიწოდება სამუშაოების დასრულებისთანავე, ეტაპობრივად 24 ივნისის 16:00 საათისთვის აღუდგებათ.

კომპანია „სოკარ ჯორჯია გაზი" ბოდიშს უხდის აბონენტებს დისკომფორტისთვის და  მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.

დამატებითი ინფორმაციისთვის დარეკეთ „სოკარ ჯორჯია გაზის" ცხელ  ხაზზე : 16 114 ან ეწვიეთ ვებ-პორტალს www.mygas.ge.