თბილისი (GBC) - სამშაბათიდან ჟოზე მაურინიო მსოფლიოში ყველაზე მაღალანაზღაურებადი მწვრთნელი გახდება.  ეს  მას შემდეგ მოხდება, რაც სტარტს აიღებს Heineken-ის ახალი სარეკლამო კამპანია.

Telegraph -ის ცნობით, ლუდის ჰოლანდიურმა მწარმოებელმა, რომელიც ჩემპიონთა ლიგის სპონსორია, მაურინიო ახალ სარეკლამო კამპანიაში ჩართო. მხარეებმა 2 წლიანი კონტრაქტი გააფორმეს, რომლის მიხედვითაც ის 4,7 მლნ ევროს შემოსავალს მიიღებს.

ამ გარიგებით პორტუგალიელი რეკლამიდან შემოსავლებს წელიწადში 11 მლნ ევრომდე გაიზრდის და „მანჩესტერ იუნაიტედში“ მიღებულ ხელფასთან ერთად, მისი წლიური შემოსავალი 25 მილიონ ევროზე მეტი იქნება.

გაი რიჩის სარეკლამო რგოლში მაურინიო ყველას პაბში წასვლასა და ჩემპიონთა ლიგის ყურებისკენ მოუწოდებს.

აღსანიშნავია, რომ Heineken-ის გარდა მაურინიო ასევე თანამშრომლობს კომპანიებთან  Hublot, Jaguar, BT Sport, Adidas, Atlantis hotels, Lipton Tea და EA Sports.