თბილისი (GBC) - საერთაშორისო სარეიტინგო კომპანია Fitch Ratings -მა კომპანია SilkNet-ს რეიტინგი მიანიჭა.

რეიტინგი "B +" დონით განისაზღვრა, პროგნოზით „სტაბილური“.

Fitch -ის რეიტინგი ასახავს სააგენტოს პოზიტიურ პროგნოზს SilkNet-ის მომავალთან დაკავშირებით, მის შესაძლებლობას დაიცვას ბაზარზე პოზიციები.

პრესრელიზში აღნიშნულია, რომ მოსალოდნელია კომპანიის მიერ მნიშვნელოვანი ინვესტიციის ჩადება ახალ ინფრასტრუქტურაში, ასევე ხარჯების შემცირება, რაც გააუმჯობესებს მის რენტაბელობას.  

შეგახსენებთ, Silknet საქართველოს კომუნიკაციების ბაზარზე  ფიქსირებული კავშირის წამყვანი ოპერატორია, რომელიც ფლობს მსხვილს ქსელს და 2016 წლის პირველი ნახევრის მდგომარეობით, ფიქსირებული ინტერნეტის ბაზრის 40% იკავს. რაც შეეხება ფასიან ტელევიზიას მისი წილი 25%-ია და 45%-იანი წილით არის ასევე წარმოდგენილი ფიქსირებული სატელეფონო კავშირის სეგმენტში.