თბილისი (GBC) - ბიზნესმენმა დავით კოდუამ თბილისში, მელიქიშვილის გამზირზე მდებარე ყოფილი სასტუმრო საქართველოს შენობა და შპს „საქართველოს“ 73%-იანი წილი არაბულ „არაბელა ინვესტ გრუპს“ მიყიდა.

სასტუმროს გასხვისებაზე ინფორმაცია „კომერსანტმა“ გააცრცელა, GBC-სთვის კი, დამატებითი დეტალები გახდა ცნობილი.

მყიდველმა გამყიდველს ჯამში 16,5 მილიონი აშშ დოლარი უნდა გადაუხადოს, თუმცა აქედან დიდი ნაწილი 12 მილიონამდე თანხა პირდაპირ ბანკ „ქართუში“ არსებული დავალიანების დაფარვას მოხმარდება.

კიდევ 1 მლნ აშშ დოლარი კი, სასტუმროში  მცხოვრები დევნილების გამოსახლებისთვის დაიხარჯება.

მხარეებს შორის ხელშეკრულება ოქტომბრის დასაწყისში გაფორმდა და ახლა შპს „საქართველოში“ 73,28% წილზე განვადებით ნასყიდობა ვრცელდება. შენობის მფლობელი არაბული კომპანია ვალდებულების შესრულების შემდეგ გახდება და გავრცელებული ინფორმაციით აბუ-დაბის შეიხის ოჯახი ადგილზე  7 ვარსკვლავიანი  სასტუმროს ააშენებს.

აღსანიშნავია, რომ „არაბელა ინვესტ გრუპი“ საქართველოში 3 ოქტომბერს დაფუძნდა. კომპანიაში 25/25%-ია წილებს ფლობენ სამერ მოჰამად ხატაბ ალ-ჰასან , იორდანია, შაჰაბ აჰმად რამადჰან ჯუმა , არაბთა გაერთიანებული საემიროები, მოჰამად აჰმად რამადჰან ჯუმა , არაბთა გაერთიანებული საემიროები და  ალიშერი მირზაევ, უზბეკეთი