თბილისი (GBC) - მესამე კვარტალში Facebook-ის შემოსავალმა  მოლოდინს გადააჭარბა და წლიურ ჭრილში 55%-იანი ზრდა აჩვენა, - იტყობინება Reuters-ი, აღნიშნავს, რომ კომპანია ზრდის ტემპის შენელების მოლოდინზე აცხადებს, რამაც ინვესტორები დააფრთხო.

ფინანსური დირექტორი დევიდ უინერი ამბობს, რომ რეკლამიდან შემოსავალი დიდი ალბათობით "მნიშვნელოვნად" შემცირდება, რეკლამების რაოდენობის შეზღუდვის გამო - რათა კომპანიამ რეკლამებით მომხმარებელი არ შეაშინოს.

ასევე აღნიშნა, რომ 2017 წელს მასშტაბიური კაპიტალდაბანდებები მოხდება. 

ამ ინფორმაციამ კი,  კომპანიის აქციები 8%-იანი გაუფასურება გამოიწვია. 

რაც შეეხება ფინანსური ანგარიშს, მისი  მიხედვით, Facebook -ის ჯამურმა ამონაგებმა  $7,01 მილიარდი შეადგინა, ანალიტიკოსები მხოლოდ $6,9 მილიარდის შემოსავალს ვარაუდობდნენ. შარშან ამავე პერიოდში კვარტალური ამონაგები 4,5 მლრდ აშშ დოლარი იყო. 

აღსანიშნავია, რომ ამონაგების 84% მობილურ აპლიკაციაში რეკლამიდან არის მიღებული, რაც 6,82 მილიარდს შეადგენს.

ამასთან, Facebook-ის  აქციონერებისთვის განკუთვნილი წმინდა მოგების მოცულობა 2,37 მლრდ აშშ დოლარია.  

Facebook-ის ცნობით, ქსელით ყოველთვიურად1,79 მლრდ ადამიანი სარგებლობს, 16%-ით მეტი წინა წელთან შედარებით.