თბილისი (GBC) -  აშშ-ს საფონდო ბაზარი ოთხშაბათს მკვეთრად გაიზარდა.

ბაზარმა დონალდ ტრამპის გამარჯვების გამო დაწყებული პანიკური ვარდნიდან 180 გრადუსით შემობრუნება შეძლო და ძირითადი ინდექსები "მწვანე ზონაში" დარჩა. 

Reuters-ის ცნობით Dow Jones-ის ინდექსი 1,4 %-ით გაიზარდა, 18.589,69 პუნქტამდე, S&P 500 -  1,11%-ით  2.163,26 ნიშნულამდე, ხოლო Nasdaq Composite-მა  1,11%-იანი ზრდის შემდეგ 5.251,07 პუნქტს მიაღწია.

ამასთან, ვაჭრობის მოცულობა ივნისიდან, კერძოდ, Brexit-ის რეფერენდუმიდან ყველაზე მასშტაბური აღმოჩნდა.

გავლენიანი ფინანსისტი ჯეფრი განდლჩი, ცნობილი  მეტსახელით "ობლიგაციების მეფე" ბაზარზე განწყობის ასეთ მკვეთრ ცვლილებას ტრამპის პროგრამისადმი ინვესტორების დამოკიდებულებით ხსნის.

აღნიშნავს, რომ ტრამპის მიერ დაპირებული ეკონომიკური პოლიტიკა მოკლევადიან პერსპექტივაში უფრო ხელშემწყობი იქნება ზრდისა, ვიდრე ჰილარი კლინტონის მიერ შეთავაზებული ღონისძიებების პაკეტი.