თბილისი (GBC) - დიდ ბრიტანეთში მილიონერების რაოდენობა (ქონება დათვლილია აშშ დოლარში) 15%-ით შემცირდა, მას შემდეგ, რაც ქვეყანამ ევროკავშირიდან გამოსვლის გადაწყვეტილება მიიღო, - იტყობინება  Bloomberg-ი  Credit Suisse-ის მონაცემებზე დაყრდნობით. 

ანგარიშში აღნიშნულია, რომ 2015-2016 წლები დიდი ბრიტანეთისთვის არც ისე სახარბიელოდ დასრულდა, ფუნტის კურსისა და საფონდო ბაზრის მკვეთრი  ვარდნით. პროგნოზიც არაერთგვაროვანია, როგორც ეკონომიკის, ასევე შინამეურნეობებისთვის“, - აღნიშნულია ანგარიშში.

როგორც ცნობილია, ბრიტანეთში შინამეურნეობების მდგომარეობა 1,5 ტრილიონი აშშ დოლარით, ანუ წლიურად 10%-ით შემცირდა, რაც Credit Suisse -ის ანალიტიკოსების შეფასებით Brexit -ის პირდაპირი შედეგია.