თბილისი (GBC) -  Philip Morris-ის მთავარმა აღმასრულებელმა დირექტორმა სიგარეტის რეალიზაციის შეწყვეტა დაუშვა. 

ამის შესახებ ანდრე კალანცოპულოსმა BBC -სთან ინტერვიუში განაცხადა. 

"მჯერა, დადგება დრო, როდესაც შემეძლება ვთქვა: ჩვენ გვაქვს ალტერნატიული პროდუქტები", - განაცხადა კალანცოპულოსმა - "ვიმედოვნებ, ეს უკვე ძალიან მალე მოხდება".

მან აღნიშნა, რომ Philip Morris -ი აცნობიერებს იმ ზიანს, რასაც მისი პროდუქცია ადამიანებს აყენებს და ალტერნატიულ პროდუქტებზე მუშაობს. 

Philip Morris -ს უკვე აქვს ასეთი პროდუქტიც - კომპანიამ გაყიდვაში ჩაუშვა  IQOS — (ელექტროსიგარეტი), რომლის გამოყენებით სიგარეტის მიერ მავნე გამონაბოლქვის დონე 90-95%-ით ნაკლებია ჩვეულებირივი სიგარეტის ბოლთან შედარებით.

აღსანიშნავია ისიც, რომ თავად ანდრე კალანცოპულოსმა სიგარეტის მოწევას, 30 წლიანი მწეველობის შემდეგ, თავი დაანება. 

შეგახსენებთ, Philip Morris International-ის წმინდა შემოსავალი 2015 წელს 73,9 მლრდ, წმინდა მოგება  $7 მლრდ იყო. ამასთან შარშან კომპანიამ  847,3 მლრდ სიგარეტი გაყიდა.

კომპანიის ძირითადი ბრენდებია: Marlboro, Parliament, L&M, Chesterfield, Bond Street.