თბილისი (GBC) - ჟურნალმა Forbes-მა ჰოლივუდის იმ მსახიობთა რეიტინგი გამოაქვეყნა, რომლებიც კინოსტუდიების მხრიდან გადამეტებულად შეფასებულნი აღმოჩნდნენ, რადგან მათი მონაწილეობით ფილმები მაღალი შემოსავლით არ გამოირჩეოდნენ. 

რეიტინგის შედგენისას ჟურნალისტებმა გაითვალისწინეს კინოსტუდიის ხარჯი მსახიობის ჰონორარზე და კინოგაქირავებაში ფილმის საკასო შემოსავალი და დაადგინეს, რა მოუტანა მათ ცნობილებზე დახარჯულმა თითოეულმა დოლარმა.

უკვე მეორე წელია რეიტინგს ჯონი დეპი ლიდერობს. Forbes-ის შეფასებით, დეპიმ ფილმების შემქმნელებს მასზე დახარჯულ თითო დოლარის სანაცვლოდ მხოლოდ 2,8 დოლარი მოუტანა.

მეორე ადგილზეა უილ სმიტი, მან ინვესტორებს თითო დოლარზე 5 დოლარი დაუბრუნა.

პირველ ათეულში ასევე არიან ჩენინგ ტატუმი  ($6), უილ ფარელი (6,5), ჯორჯ კლუნი ($6,7), ადამ სენდლერი ($7,6), მარკ უოლბერგი ($9,2) და ლეონარდო დიკაპრიო ($9,9).

მეცხრე ადგილზეა ჯულია რობერტსი, რომელიც ათეულში ერთადერთი ქალია, მან სტუდიებს 10,8 დოლარი დაუბრუნა.

ათეულს ბრედლი კუპერი ასრულებს 12,10 დოლარით.