თბილისი (GBC) –III კვარტალში საქართველოში საშუალო ხელფასის მოცულობა უმნიშვნელოდ გაიზარდა.„საქსტატის“ ცნობით, საშუალო ხელფასის მოცულობა 980.6 ლარია, წინა კვარტალთან შედარებით მხოლოდ 6.9 ლარით მეტი.

2015 წლის მესამე კვარტალში კი, საქართველოში საშუალო თვიური ხელფასი 930,1 ლარი იყო.

ყველაზე მაღალანაზღაურებადი კვლავ საფინანსო სექტორია, სადაც დასაქმებულთა საშუალო ხელფასი შემცირდა 1964,5 ლარიდან 1613.2 ლარამდე, თუმცა ლიდერობას ინარჩუნებს.

სამეულშია მშენებლობა და სახელმწიფო მმართველობა. მშენებლობაში ხელფასები გაიზარდა, სახელმწიფო მმართველობაში შემცირდა.  ყველაზე დაბალი ხელფასი 523.3 ლარი კვლავ განათლების სექტორშია.

აღსანიშნავია, რომ მესამე კვარტალში საქართველოში,  დაქირავებულ ქალთა საშუალო ანაზღაურება 744.2 ( II კვ. 746,2 ) ლარი იყო, მამაკაცების  1183.82  ლარი (II კვ. 1172,9 ლარი)