თბილისი (GBC) -  Exxon Mobil -ის ყოფილი CEO რეკს ტილერსონი პირობას დებს, რომ აშშ-ს სახელმწიფო მდივნის პოსტზე დანიშვნის შემდეგ, კომპანიასთან ყოველგვარ კავშირს გაწყვეტს. 

Bloomberg-ი Exxon Mobil -ის ოფიციალურ განცხადებას ცირიტებს, რომლის მიხედვით, კომპანიის ყოფილი  გენერალური დირექტორი, ინტერესთა კონფლიქტის თავიდან არიდების გამო, კომპანიასთან კავშირს გაწყვეტს, ასევე უარს იტყვის  4,1 მლნ დოლარის ოდენობის ბონუსზე, რომელიც მომდევნო 3 წლის განმავლობაში უნდა მიეღო.

The Wall Street Journal -ი კი აღნიშნავს, რომ პოსტის დატოვების შემდეგ, ტილერსონი კომპანიისგან 180 მლნ დოლარს მიიღებს, რაც 7 მილიონით ნაკლებია, ვიდრე პენსიაში გასვლისას მიიღებდა. 

რეკს ტილერსონი 64 წლისაა, დონალდ ტრამპი მიიჩნევს, რომ ბიზნესმენი არის მიზანდასახული, აქვს დიდი გამოცდილება და სიღრმისეულად ესმის გეოპოლიტიკა.