თბილისი (GBC) - ბოლო 2 დღეა ნავთობი მკვეთრად გაიაფდა. 

ოთხშაბათს, ნავთობის ღირებულება 5% მეტად შემცირდა, ხუთშაბათის ვაჭრობაზე დილით ზრდის შემდეგ,  Brent -ის მარკის ნავთობის მაისის ფიუჩერსების ფასი  52 დოლარზე დაბლა დაეცა და თბილისის დროით, 15:05 საათისთვის  1 ბარელზე $51,62 შეადგინა. მოგვიანებით ფასი 52.45 აშშ დოლარამდე გაიზარდა, თუმცა მაინც "წითელ ზონაში" რჩება. 

დღესვე, WTI -ის ფიუჩერსების კოტირება  NYMEX-ზე 50 დოლარზე დაბლა დაეცა და 48,88 აშშ დოლარი შეადგინა. 

ანალიტიკოსები მიიჩნევენ, რომ ტრეიდერებმა ფასების ზრდაზე ფსონის დადება შეწყვიტეს, რამაც ფასების შემცირების პროვოცირება მოახდინა. 

აღსანიშნავია, რომ ბოლო სამი თვეა WTI $49,61 - $55,24 დიაპაზონში ივაჭრებოდა,  Brent-ს ფასი კი, 55-56 აშშ დოლარის ფარგლებში იყო.