თბილისი (GBC)-  მწარმოებელთა ფასების ინდექსის ზრდა გრძელდება, თუმცა ზრდის ტემპი ოდნავ შენელდა.

თებერვალში იანვართან შედარებით სამრეწველო პროდუქციის მწარმოებელთა ფასების ინდექსი 1,0 პროცენტით გაიზარდა, წლიურად ზრდა  9,6 პროცენტია.

„საქსტატის“ ცნობით,  2017 წლის თებერვალში წინა თვესთან შედარებით ფასები გაიზარდა გადამამუშავებელი მრეწველობის პროდუქციაზე 0,7 პროცენტით. ფასების ზრდა დაფიქსირდა კვების პროდუქტებზე, სასმელებსა და თამბაქოს ნაწარმზე (1,8 პროცენტი) და რეზინისა და პლასტმასის ნაწარმზე (5,3 პროცენტი).

ელექტროენერგია, აირი, ორთქლი და ცხელი წყალი - ჯგუფში  ფასები გაიზარდა 2,5 პროცენტით.

12 თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ გადამამუშავებელი მრეწველობის პროდუქციაზე (+8.5%), ელექტროენერგია, აირი, ორთქლი და ცხელი წყალის ჯგუფზე (+12,8%) და სამთომოპოვებითი მრეწველობისა და კარიერების დამუშავების პროდუქციაზე (+21%).