თბილისი (GBC) - ჟურნალი Forbes-ი საქართველოს ექს პრემიერის ქონების შემცირებაზე აცხადებს. 

გავლენიანი გამოცემის  2017 წლის მილიარდერთა რეიტინგში ბიძინა ივანიშვილი 367 ადგილზეა. ის, Forbes-ის შეფასებით, 4,5 მლრდ დოლარის ქონებას ფლობს. წინა რეიტინგში ივანიშვილს 298 ადგილი ეკავა და 4,8 მილიარდად იყო ქონება შეფასებული, 2015 წლის რეიტინგში  5,2 მილიარდს ფლობდა.

Forbes-ის მილიარდერთა 2017 წლის რეიტინგში კიდევ რამდენიმე ცვლილებაა. მათ შორის, რეიტინგში ახალი სახელები გაჩნდა. 2017 წელს მსოფლიოს 195 ახალი მილიარდერი ჰყავს, მათგან 76 ჩინეთიდანაა, 25 კი აშშ-დან.