თბილისი (GBC) - როგორია ინფლაციის დონე თითოეული მოქალაქისთვის მარტივად დასადგენი გახდა.  

„საქსტატმა“ ახალი პროდუქტი - პერსონალური ინფლაციის კალკულატორი წარადგინა, რომელიც  მომხმარებელს საშუალებას აძლევს გაიანგარიშოს ინფლაციის დონე პირადი ხარჯების სტრუქტურის გათვალისწინებით.

მისი თქმით,პერსონალური ინფლაციის კალკულატორის პროგრამა მსოფლიოს წამყვანი ქვეყნების შემდეგ (მაგ: აშშ, ავსტრია, ჰოლანდია და სხვ ) საქართველოშიც დაინერგა.

აღსანიშნავია, რომ პერსონალური ინფლაციით დათვლილი შედეგი შესაძლებელია არსებითად განსხვავდებოდეს ინფლაციის ოფიციალური მაჩვენებლისგან. რადგან ინფლაცია ქვეყანაში არსებული ფასების ზოგად მაჩვენებლებს ზომავს, ხოლო პერსონალური ინფლაცია იანგარიშება კონკრეტული მომხმარებლისთვის პრიორიტეტული საქონლის ფასების ცვლილების მიხედვით.

პერსონალური ინფლაციის კალკულატორი  საქსტატის ვებ-გვერდზე განთავსდა  ხელმისაწვდომია  ნებისმიერი მომხმარებლისთვის - http://geostat.ge/personalinflation/?lang=ka