თბილისი (GBC) - ნავთობის ფასი "წითელ ზონაში" რჩება.

მოთხოვნის ზრდის მიუხედავად, ფასის ზრდა არ ხდება. ბაზარზე ზეწოლას აშშ ახდენს, სადაც მოპოვება მზარდია. 

Brent-ის მარკის ნავთობის ფასი 50.80 აშშ დოლარზეა, WTI -ის ღირებულება კი, 47.4 დოლარამდეა შემცირებული. 

Reuters -ის ინფორმაციით, აშშ-ში საბურღი მოწყობილობების რაოდენობ, ბოლო 1 კვირაში, კიდევ 21 ერთეულით, 652 ერთეულამდე გაიზარდა. 

Goldman Sachs-ის ინფორმაციით,  2016 წლის 27 მაისიდან აშშ-ში  ჭაბურღილების რაოდენობა 336 ერთეულით, ანუ 106% არის გაზრდილი. მოპოვების ზრდა 700 000 ბარელია დღე/ღამეში, რაც იმას ნიშნავს, რომ ყოველდღიური მოპოვება 9,13 მილიონი ბარელია.

ამ ფონზე  Goldman Sachs-ის ანალიტიკოსები მიიჩნევენ, რომ ნავთობის მსოფლიო ბაზარი  აღდგენის გზაზეა, ძირითადად მნიშნველოვანად გაზრდილი მოთხოვნის წყალობით.