თბილისი (GBC) - პოლიციასთან შეტაკებით დასრულდა სამშაბათს აქცია, სადაც იტალიელები ტრანსადრიატიკული გაზსადენის (ТАР) მშენებლობას აპროტესტებდნენ.

euronews-ის ცნობით, მანიფესტანტებმა მუშებს ზეთისხილის ხეების აჩეხვის ნება არ მისცეს, აცხადებენ, რომ ეს არის სიმბოლო ეკოლოგიაზე პროექტის ნეგატიური გავლენისა. 

მანიფესტაციის დროს რამდენიმე პირმა დაზიანება მიიღო.  

შეგახსენებთ, იტალიის უმაღლესმა სასამართლომ   არ დააკმაყოფილა აპულიის რეგიონული მთავრობის საჩივარი და კომპანიებს გაზსადენის მშენებლობის გაგრძელების უფლება დართო. 

როგორც იცით, ТАР -ი  სამხრეთის გაზის დერეფნის და TANAP-ის გაგრძელებაა და აზერბაიჯანული გაზის ევროპაში ტრანსპორტირებისთვის შენდება.

ევროკავშირის სამთავრობო ინსტიტუტები ამ პროექტს დიდ მნიშვნელობას ანიჭებენ, რადგანაც ის ზრდის ევროპის ენერგოუსაფრთხოებას.