თბილისი (GBC) – Qatar Airways -ი  სიხშირეებს ამატებს,  Fly Dubai-ი ტრაფიკს 100%-ით ზრდის, ბაზარზე  Air  Arabia Jordan -ი  ფრენებს  მალე დაიწყებს,  Myway airlines-ი  კი მე-2 წელია აპირებს.

სამოქალაქო ავიაციის სააგენტოს ინფორმაციით, გაჭიანურების მიზეზი  სასერტიფიკაციო დოკუმენტაციის  დახარვეზებაა. „ჰუალინგ ჯგუფმა“  განაცხადის წარდგენიდან (09/2016 წ )  რამდენიმე თვეში მასალები უკან  გაიხმო, რადგან  თვითმფრინავების  მფლობელობის/მოიჯარეობის  ნაწილი ჰქონდა მოსაგვარებელი და იმის გათვალისწინებით, რომ ხელშეკრულების ახალ მომწოდებელთან გაფორმება უწევს, საჭირო გახდა  გახმობა.

სერტიფიცირების პროცესი  შესაძლო ხარვეზების გამოსწორების 180 დღიან პერიოდს ითვალისწინებს.

ავიაკომპანიის დამფუძნებელია  ჰუალინგ ჯგუფის კომპანია HUASHUN-ი, ქუთაისის თიზ-ის ოპერატორი (GEORGIAN  HUASHUN  INTERNATION  INDUSTIAL  INVESTMENT).

ის ერთ-ერთი უმსხვილესი ინვესტორია, 2006 წლიდან არის ბაზარზე  ( ხე-ტყის გადამუშავება,  სამთო ინდუსტრია, ოლიმპიური სოფელი, საბანკო სექტორი).  

ჯგუფი ფლობს ხე-ტყით სარგებლობის და დამზადების, გამარმარილოებული კირქვისა და სასარგებლო წიაღისეულის მოპოვების ლიცენზიებს.

ავიბაზარზე შესვლა ჯგუფმა 2016 წლის მაისში დაანონსა.