თბილისი (GBC) –  საქართველოს საგარეო ვაჭრობა როგორც ევროკავშირთან, ასევე დსთ-ს ქვეყნებთან გაიზარდა.

„საქსტატის“ ცნობით, იანვარ-მარტში საქართველოს საგარეო სავაჭრო ბრუნვამ ევროკავშირის ქვეყნებთან 641 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 26 %- ით მეტია.

44%-ით გაიზარდა ექსპორტი 159 მლნ. აშშ დოლარამდე,  ხოლო იმპორტი 481 მლნ. აშშ დოლარი იყო, 21 %- ით მეტი, ვიდრე შარშან.

საქართველოს საგარეო სავაჭრო ბრუნვაში ამ ქვეყნების წილმა 28 % შეადგინა, მათ შორის ექსპორტშიც 28% და იმპორტშიც 28 %.

რაც შეეხება დსთ-ის ქვეყნებს, მათთან საგარეო სავაჭრო ბრუნვამ 2017 წლის იანვარ-მარტში 751 მლნ. აშშ დოლარი შეადგინა (2016 წლის იანვარ-მარტთან შედარებით 35 %-ით მეტი).

აქედან ექსპორტი 205 მლნ. აშშ დოლარი (59 %-ით მეტი), ხოლო იმპორტი 546 მლნ. აშშ დოლარი იყო (27%- ით მეტი).

საქართველოს საგარეო სავაჭრო ბრუნვაში დსთ-ის ქვეყნების წილი 33 % იყო, მათ შორის ექსპორტში 36%  და იმპორტში 32 %.