თბილისი (GBC) –  ევროკავშირთან ვიზალიბერალიზაციამ საქართველოში შემოსვლის სურვილი კიდევ ერთ “ლოუკოსტერს“ გაუჩინა, - საქართველოს აეროპორტების გაერთიანების ხელმძღვანელი კომპანიას არ ასახელებს, თუმცა აღნიშნავს, რომ ეს ავიაკომპანია ადრეც იყო  საქართველოთი იყო დაინტერესებული, მაგრამ მოლაპარაკებების  უფრო სიღრმისეულად დაწყების სურვილი არ ჰქონდა.

„ერთ -ერთ ბოლო საავიაციო ფორუმზე მათი ინიციატივით მოხდა შეხვედრა, სადაც აღინიშნა, რომ ვიზალიბერალიზაცია იყო ერთ-ერთი მამოძრავებელი ძალა და  ისინი ფიქრობენ, რომ  მომავალი წლისთვის საკმაოდ დიდ ტრაფიკს მოიტანენ საქართველოსთვის“, - ამბობს ქეთი ალექსიძე.

მისი თქმით,  საუბარია ფრენების დაწყებაზე როგორც ქუთაისის აეროპორტიდან, ისე თბილისიდან.

აღსანიშნავია, რომ წინა წლებში საქართველოში შემოსვლის სურვილი Ryanair-ს ჰქონდა, გულისხმობს თუ არა ამავე კომპანიას ალექსიძე არ აკონკრეტებს.