თბილისი (GBC) - 2017 წლის მაისში  საქართველოში 6.6%-იანი ინფლაცია დაფიქსირდა, რაც 2011  წლის აგვისტოდან ყველაზე მაღალი მაჩვენებელია. 

წინა თვესთან შედარებით  კი, ინდექსი არ შეცვლილა. 

ბოლო 1 თვეში ტრანსპორტის ჯგუფში ფასები გაიზარდა 0.5%-ით, მათ შორის, სატრანსპორტო მომსახურებაზე (2,9 პროცენტი) და სატრანსპორტო საშუალებების შეძენაზე (1,1 პროცენტი);

სხვადასხვა საქონელი და მომსახურება - ამ ჯგუფში  ფასები გაიზარდა 1,8 პროცენტით. ფასები 15.5%-ით არის მომატებულია დაზღვევის ქვეჯგუფზე.

სურსათი და უალკოჰოლო სასმელები გაიაფდა, ჯამში 0.4%-ით. 

რაც შეეხება წლიურ ინფლაციას.  ფასები  8,3 პროცენტიანი მატება დაფიქსირდა სურსათისა და უალკოჰოლო სასმელების ჯგუფზე. მათ შორის,  ბოსტნეული და ბაღჩეული 30,3% -ით გაძვირდა, შაქარი, ჯემი და სხვა ტკბილეული -11,3 %-ით,  რძე, ყველი და კვერცხი - 10,1% -ით,  ხორცი და ხორცის პროდუქტები - 8%-ით,

 ტრანსპორტის ჯგუფში ფასები გაიზარდა 17,5 პროცენტით.  ალკოჰოლური სასმელები დათამბაქოს ჯგუფი  15%-ით გაძვირდა. 

6.7% -ით გაძვირდა  ჯანმრთელობის დაცვის ხარჯები. მათ შორის  სამედიცინო პროდუქციის, აპარატურის და მოწყობილობების ფასები 16,8%-ით და ამბულატორიული სამედიცინო მომსახურება 5,3% -ით გაძვირდა.