თბილისი (GBC) - აშშ-ში ნავთობის მარაგებისა და მოპოვების მოულოდნელმა გაზრდამ, ასევე   ყურის ქვეყნებში დაძაბულობის მატებამ, ბირჟებზე ნავთობის მკვეთრი გაუფასურება გამოიწვია. 

ამერიკული ნედლი ნავთობი WTI ოთხშაბათს, საღამოს ვაჭრობაზე 5%-ით 45,89 დოლარამდე გაიაფდა. Brent-ის მარკის ნავთობის ფასი კი, თითქმის 4%-ით დაეცა და 48.23 დოლარი შეადგინა. 

სააგენტო EIA -ს ცნობით, ნავთობის მოპოვება აშშ-ში თითქმის გაუტოლდა საუდის არაბეთის მოპოვებას და მომავალ წელს რეკორდულ 10 მილიონ ბარელს  მიაღწევს.

ინვესტორები შიშობენ, რომ OPEC-ის პაქტის ეფექტურობაც შესუსტდება.