თბილისი (GBC) - დღეს გაერო  აკრედიტაციისა და მეგობრობის საერთაშორისო დღეს აღნიშნავს, ურუგვაიში კი,  სამხრეთამერიკული ფეხბურთის დღეა.

გარდა ამისა, 9 ივნისი ისტორიაში არაერთი ცნობილი მოვლენით შევიდა, რომლებიც რადიო „თანამგზავრმა“ გაიხსენა:

1815 : დასრულდა ვენის კონგრესი, რომელმაც ჩამოაყალიბა ნაპოლეონის ომების შემდგომი ევროპის მოწყობის პრინციპები.

1822 : აშშ-ში ჩარლზ გრემმა ხელოვნური ყბა დააპატენტა.

1889 : რომში, ჯორდანო ბრუნოს ძეგლი გაიხსნა,  მისი დაწვის ადგილზე.

1904 : პირველი კონცერტი გამართა ლონდონის სიმფონიურმა ორკესტრმა.

1949 : რუსთაველის თეატრი დაიწვა სრულიად და მხოლოდ მისი ფასადი გადარჩა. თეატრი ერთ წელიწადში აღადგინეს საარქივო ფოტოების მიხედვით.

1959 : წყალში ჩაუშვეს ბალისტიკური რაკეტებით აღჭურვილი პირველი წყალქვეშა ნავი ჯორჯ ვაშინგტონი.

1963 : უინსტონ ჩერჩილი აშშ-ს საპატიო მოქალაქე გახდა.

1967 : საბჭოთა კავშირმა ისრაელთან დიპლომატიური ურთიერთობები გაწყვიტა.

1994 : პრეზიდენტ ნურსულთან ნაზარბაევის გადაწყვეტილებით ყაზახეთის დედაქალაქი ალმა-ატიდან  აკმოლუში გადაიტანეს, 1998 წლიდან ამ ქალაქს ასტანა ჰქვია.