თბილისი (GBC) -  Groupe ADP -ის მფლობელი ფრანგული Aéroports de Paris SA თურქულ TAV Airports-ში წილს ზრდის.

კომპანიის ცნობით, Groupe ADP TAV-ის აეროპორტების აქციათა 8,12%-ს 160 მლნ დოლარად შეიძენს და წილს 46.12%-მდე გაზრდის. აღსანიშნავია, რომ Groupe ADP TAV Airports-ში აქციონერთა შორის 2012 წლიდან არის წარმოდგენილი და 38%-იან პაკეტს ფლობდა. 

ტრანზაქციის შემდეგ TAV Havalimanları Holding-ის კაპიტალი 2 მლრდ დოლარი იქნება. 

აღსანიშნავია, რომ კიდევ ერთი გარიგების შესახებ გახდა ცნობილი, წილის ყიდვის პარალელურად, Groupe ADP გაყიდის თავის 49%-იან წილს TAV Construction-ში. გარიგების ღირებულება  9 მლნ ევროა. 

პროცესის დასრულება 2017 წლის ზაფხულში იგეგმება, რის შემდეგაც ფრანგული კომპანიის ფინანსურ ანგარიშებში TAV -ის მონაცემებიც შევა.

შეგახსენებთ,  TAV Airports-ი თურქეთსა და მსოფლიოში 14 აეროპორტს მართავს, მათ შორის თბილისისა და ბათუმის საერთაშორისო აეროპორტებს.