თბილისი (GBC) - 21 ივნისს მთელ მსოფლიოში იოგას და სკეიტბორდინგის საერთაშორისო დღე აღინიშნება, ჩინეთში დრაკონის ნავების ზეიმია, საფრანგეთში კი, მუსიკის ზეიმი.

21 ივნისს ისტორიამ არაერთი სხვა მოვლენაც შემოგვინახა, რომელიც რადიო „თანამგზავრმა“ გაიხსენა:

1633 :  გალილეო გალილეი ინკვიზიციის სასახლის ციხეში მოათავსეს.

1893 :  პირველი ე.წ. ეშმაკის ბორბალი წარმოადგინეს, ჩიკაგოს გამოფენაზე.

1909 :  რუსულ-ბალტიურ ქარხანაში ააწყვეს პირველი რუსული სერიული ავტომობილი „რუსო-ბალტი".

1913:  18 წლის ჯორჯია ბროდვიკი გახდა პირველი ქალი, რომელმაც შეასრულა პარაშუტით ხტომა აეროპლანიდან.

1925 :  მოსკოვში გამოჩნდა პირველი ტაქსი.  რენოს მარკის 16 ავტომობილი.

1948:  ხმის ჩამწერმა კომპანიამ Columbia Records გამოუშვა ხანგრძლივი ჟღერადობის  ვინილის ფირფიტა რომლის ორივე მხარეს შესაძლებელი იყო 23 წუთი მუსიკის ჩაწერა.

გერმანიის ფედერაციულ რესპუბლიკაში მიმოქცევაში შევიდა ახალი გერმანული მარკა.

2004 :  კოსმოსში გაფრინდა პირველი კერძო კოსმოსური ხომალდი „SpaceShipOne“