თბილისი (GBC) - ვეტერანთა პარკის მედიათეკა მსოფლიოს ყველაზე პოპულარულ არქიტექტურულ საიტზე Arch- Daily -ზე მოხვდა.

ობიექტი ნაძალადევში, ვეტერანთა პარკში, 1200 კვ.მ ზე მდებარეობს. პროექტის არქიტექტორებს  შორის არიან კახა მაისურაძე, თეა თაბაგარი, ნიკა გომელაური, ჰაილქ ბლიქერი, ირაკლი აბაშიძე და დიმიტრი შაფაქიძე.

ვაკისა და ვარკეთილის შემდეგ, ახალი მედიათეკა ნაძალადევში რიგით მესამეა და ის წელს გაიხსნა.  მისი მშენებლობა 2 მლნ ლარი დაჯდა. სამივე ფილიალში, ამ დროისათვის, 20 000-მდე წიგნი ინახება და ეს ფონდი მომავალშიც განახლდება.

საიტზე საქართველოსთან ერთად მოხვდნენ ისეთი არქიტექტურული შენობები როგორიცაა, შანხაის საგამოფენო ცენტრი LuJiaZui, თერაპიის ცენტრი JeJu კორეაში, Centro Botin ესპანეთში, Pigalle Duperre საფრანგეთში.