თბილისი (GBC) - 7 ივლისს  სოლომონის კუნძულები  დამოუკიდებლობის დღეს, ტანზანია კი, სოფლის მეურნეობის დღეს აღნიშნავს. იაპონელები ამ დღეს  ტანბატას ანუ ვარსკვლავების ფესტივალს მართავენ.

სხვა მოვლენებს რადიო „თანამგზავრმა“ გადაავლო თვალი:

1607 : პირველად შესრულდა ინგლისის ჰიმნი „ღმერთო დაიფარე მეფე“ (God Save the King)

1668 : ისააკ ნიუტონს მეცნიერებათა მაგისტრის წოდება მიენიჭა.

1754 : ნიუ-იორკში გაიხსნა სამეფო კოლეჯი, ამჟამად კოლუმბიის უნივერსიტეტი.

1881 : პირველად დაიბეჭდა ზღაპარი „პინოქიო“.

1891 : კომპანია „ამერიკან ექსპრესმა“ მიიღო პატენტი სამგზავრო ჩეკებზე, რომელიც საფუძვლად დაედო თანამედროვე საკრედიტო ბარათებს.

1925 : სამხრეთ აფრიკის სენატმა  უარყო კანონი რასობრივი დისკრიმინაციის შესახებ.

1950 : ინგლისში, ფარნბროში გაიმართა პირველი ავიაშოუ.

1985 : 17 წლის  ბორის ბეკერმა გაიმარჯვა უიმბლდონის ტურნირში. ის ითვლება ამ ტურნირის ყველაზე ახალგაზრდა გამარჯვებულად.

1990 : რომში სცენაზე პირველად გამოვიდა ერთად სამი უდიდესი ტენორი - ლუჩანო პავაროტი, ხოსე კარერასი და პლასიდო დომინგო.