თბილისი (GBC) - Fitch Ratings -მა "სამედიცინო კორპორაცია ევექსს" პირველადი რეიტინგი მიანიჭა. 

საქართველოს ჯანდაცვის ბაზარზე ლიდერი კომპანიის  გრძელვადიანი რეიტინგი "B +" დონით განისაზღვრა, პროგნოზით "პოზიტიური", რაც ასახავს Fitch-ის მოლოდინს, რომ კომპანია კრედიტუნარიანობის მაჩვენებელებს გააუმჯობესებს და მომდევნო 18 თვეში შესაძლებელს გახდის "ევექსის" რეიტინგი ქვეყნის სუვერენულ რეიტინგს "BB-" გაუტოლდეს. 

მინიჭებული რეიტინგი ასახავს ევექსის წამყვან საბაზრო პოზიციებს და მის გარანტირებულ შემოსავლებს, რომლის  ძირითად კონტრიბუციას სახელმწიფოს მიერ დაფინანსებული ჯანდაცვის პროგრამები უზრუნველყოფს, რაც ამავე დროს იწვევს რისკებს, რომელიც კორელაციაშია ქვეყნის სუვერენულ რეიტინგსა (BB-/სტაბულური) და ეკონომიკის განვითარებასთან. თუმცა ამავე დროს, კომპანიის  ამბიციური საინვესტიციო სტრატეგია და  კონსერვატიული ბალანსის პოლიტიკის ერთგულება ამ რისკებს ანეიტრალებს.