თბილისი (GBC) - 31 ივლისს  ჰავაის კუნძულები დროშის დღეს აღნიშნავს,  დომინიკის რესპუბლიკა - მამის დღეს,  კონგო კი,  რევოლუციის დაწყების დღეს ზეიმობა.

31 ივლისს, 1498 წელს  ქრისტეფორე კოლუმბის მესამე ექსპედიციამ კუნძული ტრინიდადი აღმოაჩინა.

სხვა მოვლენებიც რადიო „თანამგზავრმა“ გაიხსენა:

1790 : აშშ-ში პირველი პატენტი გაიცა.

1849 : რუსულ არმიასთან ბრძოლაში დაიღუპა უნგრელი პოეტი შანდორ პეტეფი;

1928 : კინოკომპანია «Metro-Goldwyn-Mayer» -ის  ლოგოში პირველად გამოჩნდა მოღრიალე ლომი. ეს მოხდა კომპანიის პირველ ხმოვანი ფილმის დასაწყისში, უნდა აღინიშნოს რომ ლომის ღრიალი უფრო ხანგრძლივი იყო ვიდრე ფილმში არსებული ხმა, რომელიც მხოლოდ ერთ სიტყვას შეიცავდა “Hello!”

1944 : დაიღუპა ფრანგი მფრინავი და მწერალი ანტუან დე სანტ-ეგზუპერი.

1965 : ბრიტანეთში აიკრძალა ტელევიზიით სიგარეტის რეკლამირება.

1996 : ნიუ-იორკის ფედერალურმა სასამართლომ გააუქმა საკანონმდებლო აქტი, რომელიც ზღუდავდა სიტყვის თავისუფლებას ინტერნეტში.