თბილისი (BPI) – ავტობანზე ელექტრომობილების დასამუხტი  პირველი სადგური დაანონსებულზე ადრე გაიხსნა.

დასამუხტი აპარატი გორთან  “ვისოლის” დასვენებისა და მომსახურების კომპლექსის ტერიტორიაზე განთავსდა. 

„ვისოლი“ ელექტრომობილების დამტენების ქსელს კომპანია E-space-თან თანამშრომლობით ავითარებს. პირველი სადგური თბილისში, აღმაშენებლის ხეივნის მე-13 კილომეტრზე გახსნა  და მომავალში  ქსელს გაფართოებას აპირებს. 

„ვისოლის“ კორპორაციული სოციალური პასუხისმგებლობის ერთ-ერთო ძირითადი მიმართულებაა გარემოზე ზრუნვა, შესაბამისად, ის, რომ „ვისოლი“ ელექტრომობილების დამტენი სადგურების ქსელს ავითარებს, ეს ჩვენი სტრატეგიული გადაწყვეტილებაა, ელექტრომობილი ეკო-მეგობრული ტრანსპორტია, მას არავითარი გამონაბოლქვი და ემისია არ აქვს, უხმაუროდ მოძრაობს და სრულად ესადაგება ჩვენი კორპორაციული სოციალური პასუხისმგებლობის ხედვას“, - აცხადებს „ვისოლ პეტროლიუმ ჯორჯიას“ გენერალური დირექტორი ვასილ ხორავა.

ამ ეტაპზე ელექტრომობილების მძღოლებს სრულიად უფასოდ შეუძლიათ საკუთარი ავტომობილის დამუხტვა.