თბილისი (GBC) - მთავრობამ კომპანია „ჩირინას“ 183.5 ჰექტარი სახნავი მიწები მიჰყიდა.

კომპანია 5 მიწის ნაკვეთში, რომელთა ჯამური ფართობი 1.8 მლნ კვ. მეტრს აღემატება 183 485 ლარს გადაიხდის.

ამავე დროს მფლობელებმა ვალდებულებაც აიღო, რომ 2021 წლამდე  ამ მიწის ნაკვეთების ან მის საკუთრებაში არსებული მიწის ნაკვეთის განვითარებაში 1.7 მლნ ლარს ჩადებს.

აღსანიშნავია, რომ „ჩირინა“ სართიჭალაში,  ამიერკავკასიაში ყველაზე მასშტაბური მეფრინველეობის კომპლექსის მფლობელია.

ქათმის ხორცის ერთ-ერთი უმსხვილესი მწარმოებელის პროდუქცია ბაზარზე „ბიუბიუს“ ბრენდით იყიდება.  

ქათმის პროდუქციის გარდა კომპანია ასევე აწარმოებს საინკუბაციო კვერცხს, ვაშლს და მსხალს; სთავაზობს დაინტერესებულ პირებს მარცვლეულის შრობის და შენახვის სერვისს; ლაბორატორიული კვლევების სერვისს; ხილის სამაცივრე შენახვის მომსახურებას.