თბილისი (GBC) - Bitcoin cash ღირებულებით კრიპტოვალუტების სამეულში შევიდა.

Coinmarketcap.com-ის ცნობით, ბოლო 24 საათში  bitcoin cash -ის ღირებულება 70%-ით გაიზარდა და 1 მონეტაზე 500 დოლარის ნიშნულს გადააბიჯა.

18 აგვისტოს, თბილისის დროით, 01:49 საათზე კურსმა 2 აგვისტოდან რეკორდულ მაჩვენებელს მიაღწია - 567 დოლარს, დღის 15:55 საათზე კი, $498,58-ის ნიშნულზე ივაჭრებოდა, რაც 66.1%-ით მეტია 17 აგვისტოს დახურვის ფასზე.  

ამგვარად, bitcoin cash-ის კაპიტალიზაცია 8 მილიარდ დოლარამდე გაიზარდა, ვირტუალური ვალუტების სამეულში შევიდა და მეოთხე პოზიციაზე ჩამოაქვეითა კიდევ ერთი ციფრული ვალუტა Ripple, რომლის კაპიტალიზაცია 6.1 მლრდ დოლარია. 

რეიტინგში პირველ ადგილზეა bitcoin $71 მილიარდის კაპიტალიზაციით, (მიმდინარე გაცვლითი კურსი  $4345), ხოლო მეორეზე  ethereum ($28,8 მლრდ, გაცვლითი კურსი— $306,67).

შეგახსენებთ, Bitcoin cash — ახალი კრიპტოვალუტაა, რომელიც აგვისტოში bitcoin-ის გაყოფის შემდეგ გამოჩნდა ბაზარზე.