თბილისი (GBC) - Apple -ის გენერალურმა დირექტორმა ტიმ კუკმა კომპანიისგან კომპენსაციის სახით 560 ათასი აქცია მიიღო, მათი ნახევარი კომპანიის მაჩვენებლებზეა მიბმული, - წერს  Bloomberg.

სააგენტოს ცნობით, პაკეტის ღირებულება, აქციების ფასის გათვალისწინებით,  89,2 მლნ დოლარია. 

კუკმა აქციები კორპორაციის ფინანსური მაჩვენებლების გათვალისწინებით მიიღო. ბოლო სამი წელია Apple უფრო მდგრად ზრდას აჩვენებს, ვიდრე Standard & Poors-ის რეიტინგის TOP-500-ში შემავალი კომპანიების 2/3. 

აგვისტოს ფინანსური ანგარიშის გამოქვეყნების შემდეგ, კომპანიის აქციები რეკორდულ მაჩვენებლამდე ($159.75)  გაიზარდა. კორპორაციამ სმარტფონების გაყიდვიდან შემოსავლის საპროგნოზო მაჩვენებელიც გაზარდა და სექტემბერ-ნოემბერში 49-52 მლნ დოლარის მიღება ივარაუდა.