თბილისი (GBC) - iPhone 8! და არა 7S, პირდაპირ 8 - ეს  Apple -ს ახალი სმარტფონია. 

დიზაინი უცვლელია, თუმცა მეტალის ნაცვლად წარმოდგენილია მინა, როგორც კომპანიაში ირწმუნებიან ბაზარზე არსებულთა შორის ყველაზე მტკიცე. მოდელი სამფეროვანია - შავი, რუხი და ახლებური ოქრო, რომელიც ღია-ვარდისფერს წააგავს.

iPhone-ს ახალი მოდელების  iPhone 8 და 8 Plus -ის წარდგენამდე სცენა  კორპორაციის პრეზიდენტმა ტიმ კუკმა დაიკავა და ისაუბა როგორი რევოლუცია მოახდინა ამ სმარტფონმა სენსორული დისპლეიდან  FaceTime -სა და  AppStore-მდე. 

სმარტფონს აქვს ახალი 6 ბირთვიანი პროცესორი - A11 Bionic. არის  70% -ით უფრო სწრაფი, ვიდრე  A10. 

მისი დისპლეი 4,7 და 5,5 დიუმიანია. iPhone დებიუტირებას უკეთებს ახალ ტექნოლოგია TrueTone-საც, ავტომატურ ფერთა ცვლილებას. 

სმარტფონს აქვს უკაბელო დამუხტვის ფუნქცია, განახლებული კამერები, გაუმჯობესებული პორტრეტის რეჟიმით და ფილტრებით.

 iPhone 8 საბაზისო ვერსიის (64 გიგაბაიტი მეხსიერებით)  ფასი  $699,  Plus-ვერსიის $799.