თბილისი (GBC) - Apple-ის სისტემას iOS 11-ს ქართული კლავიატურა დაემატა.

 ეკონომიკის სამინისტროს ინფორმაციით,   უწყება აქტიურად აწარმოებს მოლაპარაკებებს Apple -თან, რათა საქართველოს მომხმარებლებისთვის კომპანიის მიერ სრულყოფილი მომსახურება იქნეს გაწეული და საქართველო შეყვანილი იქნეს კომპანიის მიერ მხარდაჭერილი ქვეყნების ჩამონათვალში. 

"საქართველოს ეკონომიკისა და მდგრადი განვითარების სამინისტროსა და კომპანია "Apple Inc"-ს შორის ბოლო პერიოდში გამართული მოლაპარაკებების შედეგად პირველ ეტაპზე „Apple Inc“-მა გახსნა მომსახურებები ქართველი iOS დეველოპერებისთვის, რომლებსაც შესაძლებლობა მიეცათ შექმნან საკუთარი ანგარიშები “App Store”-ზე აპლიკაციების განთავსებისთვის", - აცხადებს ეკონომიკის სამინისტრო და იმედოვნებს, რომ   ახლო პერიოდში კომპანიის მომსახურებები სრულყოფილად იქნება ხელმისაწვდომი საქართველოში, რაც ქართველ მომხმარებლებს და დეველოპერებს შესაძლებლობას მისცემს გამოიყენონ „Apple Inc“-ის პროდუქტების და სერვისების სრული სპექტრი.