თბილისი (GBC) -  BGEO Group -ი ინვესტორთა დღისთვის ემზადება.

ქვეყნის წამყვანი ბიზნესჯგუფი 9 ნოემბერს, თბილისში, ინვესტორებს და ანალიტიკოსებს შეკრებს.

ღონისძიებაზე კომპანიის TOP -მენეჯმენტი ჯგუფის შედეგებს, ქვეყნის მაკროეკონომიკურ მიმოხილვას, საბანკო და საინვესტიციო მიმართულებით სტრატეგიას წარადგენს. ინვესტორებს შესაძლებლობა ექნებათ სადაზღვევეო და ალკოჰოლური ბიზნესის მიღწევებს და გეგმებსაც გაეცნონ.

10 ნოემბერს ყოველწლიურ ინვესტორთა დღეს გამართავს BGEO-ს შვილობილი „საქართველოს ჯანდაცვის ჯგუფი“.

აღსანიშნავია, რომ წელს BGEO Group-ს დიდი გეგმები აქვს. ჯგუფი საბანკო და საინვესტიციო მიმართულებად გაიყოფა და დამოუკიდებლად განვითარდება.

გაყოფის შემდეგ ჯგუფი ლონდონის საფონდო ბირჟაზე 3 კომპანიად იქნება წარმოდგენილი. მომავალში დაგეგმილია კომუნალური და ენერგეტიკული ბიზნეს მიმართულების GGU-ს IPO-ც.