თბილისი (GBC) - 19 ოქტომბერი ისტორიაში რამდენიმე მნიშვნელოვანი მოვლენით შევიდა, რომელიც რადიო „თანამგზავრმა“ გაიხსენა, მათ შორისაა 30 წლის წინ,  ნიუ-იორკის ბირჟაზე დოუ-ჯონსის ინდექსის რეკორდული ვარდნა.

 ამ ტალღამ მაშინ არა მხოლოდ აშშ, არამედ მსოფლიოს სხვა ქვეყნებიც დააზარალა. მაგალითად, ავსტრალიის საფონდო ბაზარმა იმ წლის ოქტომბერი 41.8%-იანი ვარდნით დაასრულა, კანადის ბირჟა 22.5% -ით დაეცა, ჰონგკონგის 45.8%-ით , ლონდონის ბირჟაზე ვარდნამ 26% გადააჭარბა.

ყველაზე საოცარი ამ მოვლენაში ის იყო, რომ ვარდნის გამომწვევი მიზეზი უცნობია. იმ დღეს არ მომხდარა არავითარი მნიშვნელოვანი მოვლენა და არ გავრცელებულა მნიშვნელოვანი ინფორმაცია - ინდექსის ჩამოშლის ხელშესახები მიზეზი არ არსებობდა. ამასთან ამ მოვლენამ ეჭვქვეშ დააყენა ძალიან ბევრი ფაქტი, რომელიც თანამედროვე ეკონომიკურ მეცნიერებას ედო საფუძვლად...

რაც შეეხება სხვა მოვლენებს...

1469 : ფერდინანდ II არაგონელი ირთავს იზაბელა კასტილიელს, რამაც შესაძლებელი გახადა არაგონისა და კასტილიის გაერთიანება ერთ ქვეყანად - ესპანეთად.

1860 : ფლორენციაში დაარსდა შიდა წვის ძრავების მწარმოებელი პირველი კომპანია.

1873 : იელის, პრინსტონის, კოლუმბიისა და რატგერსის უნივერსიტეტებმა შექმნეს  ამერიკული ფეხბურთის წესების პირველ კოდექსს.

1921 : ლისაბონში სამხედრო გადატრიალებისას მოკლეს პორტუგალიის პრემიერ-მინისტრი და სხვა პოლიტიკოსები.

1935 : ერთა ლიგამ იტალიას  ეკონომიკურ სანქციები დაუწესა ეთიოპიაში შეჭრის გამო.

1960 : აშშ-ის მთავრობა კომუნისტურ კუბას ემბარგოს უცხადებს.

1987 : შავი ორშაბათი - დოუ ჯონსის ინდუსტრიული ინდექსი  22,6%-ით დაეცა,  რამაც მსოფლიოს სხვა ბირჟებზე კატასტროფული ვარდნები გამოიწვია.

2000: ნიუ-იორკში მადამ ტუსოს ცნობილი გალერეას ფილიალი გაიხსნა.