თბილისი (GBC) - ჩინეთში უმუშევრობის დონე ბოლო წლების მინიმუმამდე შემცირდა.

Reuters-ის ცნობით, მოსახლეობით უდიდეს ქვეყანაში უმუშევრობის დონემ, 1 ოქტომბრისთვის, 3.95% შეადგინა.

ჩინეთის სოციალური უზრუნველყოფის სამინისტროს მონაცემებით, 9 თვეში ქვეყანაში თითქმის 11 მილიონი ახალი სამუშაო ადგილი შეიქმნა, რაც 300 ათასით მეტია წინა წლის მონაცემზე. ამგვარად, ჩინეთის მთავრობამ სამუშაო ადგილების შექმნის გეგმა  შესრულებულად გამოაცხადა. 

შეგახსენებთ, მესამე კვარტალში  ჩინეთის ეკონომიკის ზრდის ტემპი, მცირედ, მაგრამ მაინც შენელდა-  ქვეყნის ეკონომიკა 6.8% გაიზარდა, წინა კვარტალში ზრდა 6.9% იყო. 

აღსანიშნავია, რომ წელს ჩინეთის მთავრობა მშპ-ს 6.5% ზრდას ვარაუდობს, რაც წინა წელთან შედარებით  უფრო დაბალი მაჩვენებელია. შარშან ჩინეთის მშპ 6.7% -ით იყო გაზრდილი.