თბილისი (GBC)-  საქართველოს ჯანდაცვის ჯგუფმა (GHG) 9 თვის წარმატებით დასრულებაზე განაცხადა.

ჯანდაცვის სექტორის ლიდერი კომპანიის ცნობით, 9 თვეში ამონაგები 90%-თ, 550.1 მლნ ლარამდე გაიზარდა. მოგება გადასახადების გადახდამდე 26%-ით, 34.2 მილიონ ლარამდეა გაზრდილი. აღსანიშნავია, რომ მესამე კვარტალში GHG -ში გადასახადების გადახდამდე, მოგების 5%-იანი კლება აღინიშნა, 9.8 მილიონამდე.

 ჯგუფის შემოსავლებსა და მოგებაში ზრდის ყველაზე მაღალ მაჩვენებლები ფიქსირდება ფარმაცევტულ ბიზნესში, სადაც მესამე კვარტალში შემოსავალი 106. მლნ ლარი იყო (+133.1%), 9 თვეში  ზრდა 330.5%-ია, შემოსავალი კი, 328.9 მილიონი. მოგება, გადასახადების გადახდამდე კი, 9 თვეში 15.2 მილიონს შეაგენს.

სადაზღვევო ბიზნესში 10%-იანი ზრდაა, შემოსავალი 197 მლნ ლარამდე გაიზარდა.

კომპანიის CEO აღნიშნავს, რომ განვლილი 9 თვის განმავლობაში "საქართველოს ჯანდაცვის ჯგუფმა" გააგრძელა მნიშვნელოვანი საინვესტიციო და ბიზნეს- ოპერაციები.

მნიშვნელოვანი სამუშაოები ჩატარდა თბილისის რეფერალური საავადმყოფოს (Sunstone) და დეკას (ლეჩკომბინატი) რეკონსტრუქციისთვის და ორივე მათგანის გახსნა უახლოეს პერიოდში იგეგმება.