თბილისი (GBC) - ლეონარდო და ვინჩის ფერწერული ტილო  მაცხოვრის პორტრეტი რეკორდულ თანხად გასხვისდა.

Christie’s -ის აუქციონზე საწყისი ფასი  4-ჯერ გაიზარდა 450.3  მლნ დოლარს მიაღწია.

სააუქციონო სახლის ინფორმაციით, თავდაპირველად  მყიდველმა  ტილოში 400 მლნ დოლარის გადახდაზე გააკეთა შეთავაზება, თუმცა საბოლოოდ,  ტილო  450 მლნ დოლარად შეიძინა.

დავინჩის „მსოფლიოს მხსნელი“ უკვე შეფასდა ყველაზე ძვირადღირებულ ტილოდ, რომელიც როდესმე აუქციონზე გაყიდულა.

აქამდე ყველაზე ძვირად გაყიდულ ტილოდ პაბლო პიკასოს „ალჟირელი ქალი“ ითვლებოდა, რომელიც 2015 წელს  179,4 მლნ დოლარად გაიყიდა.

დავინჩის „მსოფლიოს მხსნელი“ 1500 წელს შესრულებული ტილოა, რომელმაც ევროპის სამეფო ოჯახებში მოხვედრა შეძლო  და პირველად იგი Sothbey’s აუქციონზე 1958 წელს გამოფინეს.