თბილისი (GBC) - კომპანია Tesla-მ   თავისი პირველი ელექტროძრავიანი სატვირთო წარადგინა, რომელმაც ილონ მასკისგან მეტსახელიც მიიღო „ტყვია“.

სატვირთოს  ერთი დამუხტვით 804.5 კმ-ს გავლა შეუძლია, 36 ტონიანი სრული დატვირთვით და მაქსიმალური სიჩქარით.

ახალი ავტომობილი აღჭურვილია  მძღოლის ერთი  კაბინით, რომელიც ცენტრშია განთავსებული, გარშემო  მონიტორებით,  რაც მძღოლს საშუალებას აძლევს  ნახოს განვითარებული სიჩქარე, დამუხტვის მაჩვენებელი და ა.შ

Tesla ხელმძღვანელი ილონ მასკი ამბობს, რომ  „ელექტრო სატვირთო არის ახალი მიმართულებისკენ გადადგმული ნაბიჯი, რომელიც გაათავისუფლებს ეკონომიკას   წიაღისეული საწვავის გამოყენებისაგან.“

ახალი ტიპის ელექტრო სატვირთოს  სერიულ წარმოებას Tesla 2019 წლიდან გეგმავს, მისი  სავარაუდო ღირებულება  ამ დრომდე უცნობია.

პრეზენტაციის ბოლოს,  კომოპანიის დამფუძნებელმა წარადგინა  ახალი ტიპის Tesla Roadster -ი,  სპორტული ავტომობილი გამჭვირვალე სახურავით, რომელიც 1.9 წამში 100 კილომეტრ საათის  სიჩქარეს ავითარებს.