თბილისი (GBC) - 22 ნოემბერს ჯონ კენედი მოკლეს. 54 წლის შემდეგაც კი, კენედის მკვლელობაზე ახალ -ახალი თეორიები ჩნდება. მართალია, ლი ჰარვი ოსვალდი, რომელმაც დალასში ჩასულ პრეზიდენტს ესროლა, დანაშაულის ჩადენიდან 90 წუთში დააპატიმრეს, მაგრამ მიუხედავად ამისა, კენედის მკვლელობა ამერიკის შეერთებული შტატების ისტორიაში ერთ-ერთია ყველაზე ძნელად გასახსნელ საქმეთაგანია.

ამ დღეს კიდევ რამდენიმე მნიშვნელოვანი მოვლენა მოხდა, რომლებიც რადიო „თანამგზავრმა“ გაიხსენა:

1542 : ესპანეთმა თავის ამერიკულ კოლონიებში მონობა შეზღუდა.

1909 : ძმებმა ორვილ და უილბერ რაიტებმა აეროპლანების მწარმოებელი პირველი კომპანია ჩამოაყალიბეს.

1917: კანადაში ნაციონალური ჰოკეის ლიგა ჩამოყალიბდა, რომელშიც 5 გუნდი იყო გაერთიანებული.

1928: პარიზში პირველად შესრულდა მორის რაველის ნაწარმოები „ბოლერო“.

1963: დალასში, ტეხასი, მოკლულ იქნა აშშ-ის პრეზიდენტი ჯონ ფ. კენედი, ხოლო ტეხასის გუბერნატორი ჯონ ბ. კონალი სერიოზულად დაშავდა.

2003: თბილისში, საქართველო, პრეზიდენტ ედუარდ შევარდნაძის ოპონენტები პარლამენტის შენობას იღებენ პრეზიდენტის გადადგომის მოთხოვნით.

2004: უკრაინაში, საპრეზიდენტო არჩევნების შედეგების გაყალბების შედეგად, ნარინჯისფერი რევოლუცია იწყება.