თბილისი (GBC) –  მიუხედავად იმის, რომ 20 წელია მოღვაწეობენ ჩინური კომპანიები შავ ზღვაზე, მხოლოდ ბოლო თვეებია მოხდა საქართველოს სტრატეგიულ გზად აღიარება, - განაცხადა მედიასთან „თიბისი ჯგუფის” დამფუძნებელმა მამუკა ხაზარაძემ, რომელიც ახლახანს დაბრუნდა ჩინეთიდან, სადაც ჩინეთის უმსხვილეს კომპანიებთან მოლაპარაკებებს აწარმოებდა.

მამუკა ხაზარაძე ამბობს, რომ ანაკლიის პორტი არის დიდი ინტერესის სფერო და პროექტში ჩართულ უცხოელ ინვესტორებს (აშშ, ნიდერლანდები) რამდენიმე ჩინური კომპანიაც შეუერთდება.

„მიდგომა ჩვენი სულ იყო, რომ ანაკლიის პორტი უნდა იყოს მულტინაციონალური პროექტი, მასში უნდა იყოს ჩართული სხვადასხვა  ქვეყნების ინვესტორები “ ,- განაცხადა ბიზნესმენმა და აღიშნა, რომ ანაკლიის პორტი იქნება ბოლო კარიბჭე, აზიისა და ევროპის დამაკავშირებელ უმოკლეს გზაზე.

მედიასთან საუბრისას, ხაზარაძემ აღნიშნა, რომ საქართველო უნდა გახდეს მნიშვნელოვანი მოთამაშე აბრეშუმის გზის ფარგლებში. 

შეგახსენებთ, ანაკლიის პორტის მშენებლობა 2017 წლის 20 დეკემბერს იწყება.