თბილისი (GBC) - საუდის არაბეთის პრინცს მიტაბ ბენ აბდალას პატიმრობისთვის თავის დაღწევა 1 მილიარდი დოლარი დაუჯდა. 

სამეფოს ნაციონალური გვარდიის სამინისტროს ექს-ხელმძღვანელის მიერ მთავრობასთან დადებულ შეთანხმებაზე, რაც ბრალის აღიარებასაც გულისხმობს,  Reuters-ი წერს. 

აღსანიშნავია, რომ პრინცი თავის დროზე სამეფო გვირგვინის ერთ-ერთ მთავარ პრეტენდენტად განიხილებოდა და პირველია სამეფო ოჯახიდან, რომელიც მასობრივი "ანტიკორუფციული" დაკავებების შემდეგ გაათავისუფლეს. 

Reuters-ის წყაროს ცნობით, ასეთივე შეთანხმების გაფორმება კიდევ 3 დაკავებულს სურს. 

შეგახსენებთ, საუდის არაბეთში კორუფციის ბრალდებით 200 ადამიანი დააკავეს, მათ შორის 11 პრინცი,  ჩინოვნიკები და ბიზნესმენები. 

გასულ კვირას The New York Times-ს მემკვიდრე პრინცმა მუჰამედ ბენ სალმან ალ საუდმა განუცხადა, რომ დაკავებულთა უმრავლესობა მზადაა გათავისუფლების სანაცვლოდ შეთანხმებაზე წავიდეს. გადახდილი თანხის ოდენობამ შესაძლოა  ჯამში 100 მლრდ დოლარს მიაღწიოს.