თბილისი (GBC) – Fitch Ratings -მა ენერგო-პრო ჯორჯიას რეიტინგი მიანიჭა.

საქართველოს რეგიონებისთვის ელექტროენერგიის მიმწოდებლის გრძელვადიანი რეიტინგი «BB» დონით განისაზღვრა,  პროგნოზით „სტაბილური“.

Fitch მიუთითებს, რომ კომპანია ერთ-ერთი უმსხვილესი ენერგოგამანაწილებელია საქართველოში, რომლის წილი ბაზარზე დაახლოებით 46%-ია.

გავლენიანი სააგენტოს ცნობით, რეიტინგი თანხვედრაშია  მისი ერთადერთი აქციონერის ENERGO-PRO რეიტინგთან და ასახავს ორ კომპანიას შორის არსებულ მჭიდრო კავშირს, რადგანაც მშობელი კომპანია არის ენერგო-პრო ჯორჯიას კრედიტების მთავარი გარანტორი.

Fitch Ratings -ი მთავარ რისკად, მაღალ სავალუტო რისკს ასახელებს. მიუთითებს, რომ კომპანიის ვალის დაახლოებით, 96%  უცხოურ ვალუტაშია, ძირითადად ევროსა და დოლარში, შემოსავალი კი, ლარში.  

ამასთან სააგენტო ელის, რომ 2017-2020 წლებში, ენერგო პრო ჯორჯია საოპერაციო შემოსავალი საშუალოდ, 70 მლნ ლარი იქნება.